Sholawat Kaliopak

 

Laa ilaha illa Allah

Al-Malikul Haqqul Mubiin

Muhammadur Rasulullah

Shodiqul Wadil Amiin

 

Kaliopak banyune mili

Tekan kidul soko Merapi

Tetirahe Njeng Sunan Kali

Manunggaling Kawulo Gusti

 

Duh Gusti nyuwun ngapuro

Dosa kulo sing ora kiro

Pangapuro kang dadi tombo

Ati kulo sing podo loro

 

Bapak ibu urip saiki

Soyo abot soyo nggilani

Ayo podo nyenyuwun Gusti

Mugi-mugi paring padang ati

 

Poro konco kawulo mudo

Podo srawung sapodo-podo

Ojo mbedo ojo rumongso

Mbangun deso supoyo mulyo

 

Dusun kito ketiban awu

Soko watu digiling wesi

Bledug moro ditompo paru

Rino wengi kuping dibrebegi

 

Tandurane podo layu

Mbiyen awoh saiki latu

Ayo dulur piye diramu

Supoyo bumi ora dadi nesu

 

Kaliopak kali sing pepak

Ono iwak ono biawak

Kabeh mau paringan Gusti

Ayo dijogo ben mahanani

 

Kaliopak minongko nadi

Ngurip-urip ugi dadi ilham

Jangkanipun minongko margi

Anglindungi bumi mataram

 

Kaliopak ibune kali

Akeh kali podo nyawiji

Anyengkuyung eyang senopati

Topo ngeli adeging negri

 

Laa ilaha illa Allah

Al-Malikul Haqqul Mubiin

Muhammadur Rasulullah

Shodiqul Wadil Amiin